طريقة سهلة لإعداد الحمام المحشي
كلنا بنحب الحمام المحشي بكل أنواعة بس يا تري جربت تاكل طريقة جديدة للحمام بالبصل والكمون في خطوات سهلة وبسيطة هنقولك الطريقة .
المكونات اللازمة
عدد 4 حمام
عدد 3 بصل
معلقة كمون مطحون
نصف معلقة فلفل أسود
رشة ملح
عدد 1 فنجان زبيب
فنجان زيت نباتي
عدد 2 فص مستكة
عدد 3 حبات حبهان
ورقة لورة
احتفظي بكبد و أوانص الحمام
طريقة الإعداد
ابتدي في تنضيف الحمام وتجفيفه جيدا .
تحضير الخلطة :
اخلطي البصل المفروم والكمون والفلفل والملح وقلبيهم جيدا
حضري قلاية متوسطة وضعي بها حبة زيت و ضيفي الخلطة السابقة واتركيها علي النار
ضيفي عليها الزبيب وارفعيها من النار واتركيه فترة لحد ما تهدأ وابتدي في حشو الحمام بالمخلوط ده مع الكبد والقوانص
اقفلي الحمام بخلة خشب وحضري طبق عميق وضعيه علي النار وبداخلة زيت ومع الزيت ضيفي المستكه والحبهان .
علي النار شوحي الحمام المشوى وقلبيه لدقيقتين وضيفى ليه المياه وورق اللوره وغطيه الي ان يستوي .
تابعي الحمام واضيفي مياه عند الحاجة وعند بداية النصج ضيفي الملح
بمجرد نضوج الحمام انقليه من الشوربة وضعيه في صينة مدهونة سمنه او زيت ودخليه تحت الشواية الي ان يصبح لونه ذهبي وتابعيه من وقت لأخر
زينيه بقطع الليمون والجرجير وقدميه بطريقة شهية
