فاكر زمان
يوم ما العيش زاد قرش
الشعب ساده الغليان
فاكر يوم ما ترجع متأخر
وتسمع اللي يقولك مين هناك
كنت بتحس بأمان
واقعد افتكر ساعات وساعات
وانا اسمعك وارد باهات
فاكر لما نادوا باسرائيل
الشعب قال لا للدخيل
والدماء في سبيل الشهادة
كانت تسيل
فاكر فلسطين
والاقصى الحزين
فاكر يوم ما قالوا فيه سلام
يومها قولنا ع القضية
يالا السلام
يوم ما بعنا الحق واحنا
مسلمين من غير كلام
يوم ما تسمع فيه حصار
ساعتها قلنا
حاجة عادية
طيب اقولك
يالا بينا
نصحى نقوم
بعد السكون
نصرخ نقول
تحيا القضية
تحيا فلسطين الابية
ولا خلاص القطر فات
والحق كان مصيره السكات
يوم تشوف طفل مات
في حضن ابوه
يومها قلنا خيبة قوية
صابت العرب
والجامعة العربية
وفي يوم اصدق انهم يقولوا
انقلوا الاقصى
وانسوا القصية
شايف طفل واقف بحجر
يزلزل دبابة وصاروخ
ايه الخبر
ده الاله
وعد الحماة
انه لازم ينتصر
على البغاة
بعد كل اللي حصل
طول ما الايمان جوه القلوب
وعن القلوب
ما ينفصل
واحنا نسينا ولا تناسينا مسرى النبي
والامم طلعوا علينا
انتوا امتى كان ليكم
ملة ونبي
يوم مايدفع في مطش
كورة
كام مليون غبي
يدفع فلوس كل الفلوس
عشان كورة بتترمي
ويوم تفكر تقوله
هات
تبرعات من الزكاة
تشوفه بكى
هيه فين بس الفلوس
عشان يبقى فيه زكاة
ويوم تقوله فيه غنوة
طالعة حلوة
يجري يشتري الشريط
ده يبقى ايه
غير سفيه او عبيط
او وجوده زي العدم
هو ناسي يوم ينادي
ملك الحساب
يومها ما ينفع
الندم
ولا فاكر حياة بس
من غير حساب
ولا ايه كتب القلم
**********************
يارب تعجبكم
